Համեղ ուտել չես արգելի կամ ինչու՞ են իտալացիներն ուտում մակարոն և չեն գիրանում:
Հոկտեմբերի 25-ը պաշտոնապես նշվում է որպես մակարոնի միջազգային օր: Այս տոնը հայտնվել է վերջերս, բայց հասցրել է արագորեն ժողովրդականություն վայելել և զարմանալի չէ, քանի որ մակարոնեղենը տարածված է ամբողջ մոլորակով: Իսկ ամեն ինչ սկսվեց 1995թ-ին` Հռոմում մակարոնեղեն արտադրողների ամենամյա թեմատիկ համագումարով: Տոնը ամբողջ աշխարհով միավորում է մակարոնեղենի բոլոր սիրահարներին:
Դուք նկատե՞լ եք, որ համեղ և երկար ուտելու հանդեպ ունեցած մեծ սիրո պարագայում, Միկելանջելոյի սերնդակիցները պահպանում են իրենց գեղեցիկ և սլացիկ կառուցվածքը: Իտալիայում գրեթե չկան գեր մարդիկ: Փոխարենը մարդիկ երջանիկ են և էներգիայով լեցուն:
Ի՞նչն է պատճառը:
Սկսենք ամենասկզբից: Սնունդն իտալացիների համար իսկական ծես է: Օրինակ միջերկրյածովյան ճաշը սկսվում է 12:30 և ավարտվում 16:30: Ոչ ոք չի աշխատում այդ «սուրբ» ժամանակահատվածում: Առողջ ուտելու իտալական հիմնական հիմքերն են՝
- ամեն օր ուտել բանջարեղեն, մրգեր, միս և ձուկ,
- օգտագործեք ավելի քիչ ճարպ և քաղցր:
- խմորեղեն ուտել միայն ճաշելուց հետո (առանց նախուտեստների):
Եվ հիշեք, որ մակարոնեղենից և պիցցայից Ապենինյան թերակղզու բնակիչները ( այժմ «Լացիո», «Ումբրիա» և «Տոսկանա») չեն ճարպոտվում, քանի որ այդ ուտեստները պատրաստված են կարծր ցորենից:
Մի փոքր պատմական էքսկուրսիա:
Երբ Իտալացիներին հարցնում են, թե ո՞վ է իրականում հնարել մակարոնը, նրանք պատասխանում են Չինացիները: Ի՞նչ թաքցնել, ուտեստը, որով հայտնի է Ռաֆայելի և Դոնատելլոյի հայրենիքը, ծնվել է Արևելքում՝ ավելի քան 4 հազար տարի առաջ: Գոյություն ունեն հնագիտական ապացույցներ, որ մակարոնը գոյություն ուներ դեռևս հին քաղաքակրթության՝ Էտրուսկների օրոք, մ.թ.ա I հազարամյակում, որոնք բնակվում էին Ապենինյան թերակղզու հյուսիս-արևմուտքում, այժմ «Լացիո», «Ումբրիա» և «Տոսկանա»:
Հենց այդ ժամանակաշրջանի հետ է կապված հնագետների կողմից հայտնաբերված ամենահին արիշտայով անոթը: 13-րդ դարում Չինաստանում է եղել Մարկո Պոլոն և նա էլ Ապենինյան թերակղզի է բերել մակարոնի պատրաստման բաղադրատոմսը: Հիմա «maccheroni» անվան տակ իտալացիները հասկանում են երկար, բարակ, խողովակի տեսք ունեցով մակարոնները, որոնք ավելի ուշ անվանվեցին «pasta» /“Պաստա”/: Pasta-ն թարգմանաբար նշանակում է “խմոր”: Դասական բաղադրատոմսը շատ պարզ է՝ կարծր ցորենի ալյուրով և ջրով պատրաստված խմոր, որին հատուկ մեքենայի միջոցով տալիս են հատուկ ձև և կտրվածք, իսկ այնուհետև չորացնում են: Ցանկալի է դանդաղ և ցարծ ջերմաստիճանում չորացման եղանակը, որից կախված է իսկական իտալական մակարոնեղենի համը և բույրը:
Իտալիայում հաշվարկվում են ավելի քան 300 տարատեսակ, որոնք բաժանվում են երեք խմբի՝ երկար, կարճ և ապուրի համար մակարոններ և որոնցից ամենահայտնին հանդիսանում է ՍՊԱԳԵՏՏԻՆ: Մեր խանութներում կարող եք գտնել MALTAGLIATI և PASTA TOSCANA իտալական մակարոնեղենը՝ տարբեր ձևաչափերով: Պատրաստվում են բարձր կարգի կարծր ցորենից, իսկ Pasta Toscana -ն պատրաստվում է միայն Տոսկանայում աճեցված էկոլոգիապես մաքուր և օրգանական չափանիշներով կարծր ցորենից և Հայաստանում ներկայանում է երեք տեսակով՝ ԴԱՍԱԿԱՆ, ԲԻՈ և ԴԻԵՏԻԿ (տեսականիին կարող եք ծանոթանալ՝ http://www.vas.am/import/import2.html):
Ընդունված է կարծել, որ մակարոնից գիրանում են: Սակայն այդքան էլ այդպես չէ: Հայտնի դերասանուհի Աննա Մանյանին յուրաքանչյուր օր սպագետտի է կերել, և մինչև վերջին օրն էլ պահպանել է սլացիկ և գեղեցիկ կառուցվածքը:
Ընդհանուր առմամբ մակարոնները կառուցվածքին չեն վնասում, եթե իրենց չչարաշահել: Ամենակարևորը՝ չհամադրել մակարոնը մեծ քանակի յուղի հետ: ՊԱՍՏԱ-ին կարելի է ավելացնել շոգեհարած բանջարեղեն՝ թեթև սոուսով, օրինակ սոյայի սոուս: Իսկ ահա յուրային հայկական տարբերակը՝ մակարոնը մսով, պանրով և մեծ չափաբաժին կարագով, ուղիղ գիրացման ճանապարհն է: Բացի այդ իտալացիները սիրում են պատրաստել մակարոնը «Al Dente» եղանակով (թույլ չեն տալիս մակարոններին շատ փափկել):
Ամենակարևորը օգտագործեք ցորենի բարձր կարգի, կարծր ցորենից պատրաստված մակարոնեղեն, այն հարուստ է B խմբի վիտամիններով և F վիտամինով:
Իտալական բաղադրատոմսեր, որոնցով կարող եք վայելել իտալական մակարոններն առանց գիրանալու:
1. Պատրաստում ենք Pasta Toscana դիետիկ տեսականիից Fusilli մակարոնները՝ դդումով և ընկույզով:
Անհրաժեշտ է՝
Pasta Toscana դիետիկ մակարոն - 500գր
դդում - 300գր
ընկույզ - 50գր
սխտոր - 1 պճեղ
Ձիթայուղ -1 ճ.գ.
աղ և սև պղպեղ - ըստ ճաշակի
Պատրաստելու համար՝ թավայի մեջ ցնել ձիթայուղը, կտրատած սխտորը, և խորանարդաձև կտրատած դդումը, տապակել, ավելացնել ընկույզ և աղ, սև պղպեղ: Այնուհետև տարայի մեջ եռացրած աղե ջրի մեջ եփել մակարոնը Al dente եղանակով՝ տուփի վրա նշված ժամկետով, տվյալ դեպքում՝ 8-10 րոպե: Քամել և ավելացնել տապակած խառնուրդին:
2. Pasta Toscana ԲԻՈ տեսակից՝ Fusilli մակարոնները՝ սպանախով և ընկույզով:
Անհրաժեշտ է՝
Pasta Toscana Բիո մակարոն - 500գր
սպանախ - 60գր
Պանիր պինդ Պեկորինո կամ այլ տեսակի - 20 գր
ընկույզ - 20գր
սխտոր - 1 պճեղ
Ձիթայուղ -1 ճ.գ.
աղ - ըստ ճաշակի
Պատրաստելու համար՝ Բլենդերի մեջ լցնել սպանախը, սխտորը, քերաց պանիրը, և ձիթայուղը, հարել: Այնուհետև տարայի մեջ եռացրած աղե ջրի մեջ եփել մակարոնը Al dente եղանակով՝ տուփի վրա նշված ժամկետով, տվյալ դեպքում՝ 9 րոպե: Քամել և միացնել բլենդերով հարած խառնուրդին: