Մեր քաղաքը՝ Երևանը, իր հետաքրքրություններով և յուրահատկություններով:

Երևանն աշխարհի հնագույն և զարմանահրաշ քաղաքներից է: Կառուցել է ուրարտական Արգիշտի Ա արքան մ.թ.ա. 782 թվականին, իսկ այս տարի այն դառնում է 2801 տարեկան:
Մեր քաղաքը յուրային է իր բոլոր առավելություններով և թերություններով, այն ջե՛րմ է, հյուրասե՛ր: Այստեղ կարելի է տեսնել շատ հետաքրքիրն ու անսովորը: Մի քիչ Երևանի մասին՝

• Երևանը հաճախ անվանում են «վարդագույն քաղաք», քանի որ շինությունների մեծամասնությունը կառուցված է վարդագույն տուֆից:
• 2018 թվականի դրությամբ քաղաքի բնակչությունը կազմում է 1 մլն 77 հզր մարդ: Ընդ որում այդ բնակչության 98.9% -ը հայեր են: Տեղացիները բավականին լավ հասկանում են ինչպես ռուսերեն, այնպես էլ անգլերեն:
• Երևանի սիրտը` Հանրապետության հրապարակն է, որը նախագծել է ճարտարապետ՝ Ալեքսանդր Թամանյանը 1924-1936 թթ.: Այն Երևանի գլխավոր հատակագծի հիմքն է: Հրապարակում գերիշխում են ճկուն կամարաշարերը, ազգային հյութեղ զարդանախշերը և քարի նուրբ վարդագույն ներկապնակը։ Այստեղ են գտնվում նաև կենտրոնական երգող շատրվանները, որոնք նույնպես նախագծել է ճարտարապետ Ալ. Թամանյանը դեռևս 1939 թվականին: